|
Fréttir: 05.05.2011 Opið hús í nýrri skrifstofu Félags- og skólaþjónustu A-Hún Félags- og skólaþjónusta A-Hún opnar formlega nýja skrifstofu sína á morgun þann 6. maí 2011. Sveitarstjórnarmenn í A-Hún eru boðnir til opnunarinnar klukkan 13. Að því loknu klukkan 14-16 er opið hús og eru allir íbúar velkomnir í heimsókn. Félags- og skólaþjónusta A-Hún er staðsett á 2. hæð á Heilbrigðisstofnuninni á Blönduósi, Flúðabakka 2. Skrifstofurnar eru í eldri hluta hússins við hliðina á lyftunni.
25.01.2011 Nýtt húsnæði Félags- og skólaþjónustu A-Hún. Félags- og skólaþjónusta A-Hún flutti nú í janúar í nýtt húsnæði innan Heilbrigðisstofnunarinnar á Blönduósi. Eru nú skrifstofur fræðslustjóra, félagsmálastjóra, verkefnisstjóra og ráðgjafa á sameiginlegum gangi skáhalt á móti fyrri skrifstofu félagsmálastjóra á annarri hæð HSB. Margir þekkja þessi rými sem gömlu heilsugæsluna, á síðustu árum voru tannlæknar með aðstöðu í þessu rými. Í rýminu eru nú 4 skrifstofur, kaffistofa, fundarsalur og biðstofa. Símanúmer félagsmálastjóra, verkefnastjóra og ráðgjafa eru þau sömu, fræðslustjóri hefur fengið númerið 455-4122 en er áfram með sama netfang. 16.10.2008
Vefsvæði með yfirliti yfir stofnanir og samtök sem veitt geta mikilvægar
upplýsingar, leiðbeiningar og ráðgjöf
"
Félags- og tryggingamálaráðuneytið hefur sett á fót samræmt þjónustunet
vegna sérstakra aðstæðna á fjármálamarkaði til að auðvelda fólki aðgang
að upplýsingum, nýtt vefsvæði, grænt símanúmer, fyrirspurnalínu og
netspjall. Á þjónustunetinu er að finna vefsvæði með yfirliti yfir
stofnanir og samtök sem veitt geta mikilvægar upplýsingar, leiðbeiningar
og ráðgjöf. Upplýsingasviðin hafa verið sett upp í sex flokka:
Atvinnumál, húsnæðismál, greiðsluerfiðleikar, fjármál, útlendingar á
Íslandi og börn og fjölskyldur.
Grænt símanúmer ráðuneytisins hefur einnig verið tekið í notkun: 800
1190. Símtöl í númerið eru endurgjaldslaus og þaðan má fá beint samband
við stofnanir sem veita upplýsingar vegna húsnæðislána,
greiðsluerfiðleika, Tryggingasjóðs innstæðueigenda og atvinnuleitar eða
atvinnuleysis. Fyrirspurnalína hefur verið virkjuð og getur fólk sent
félags- og tryggingamálaráðuneytinu fyrirspurnir um hvaðeina sem
viðkemur þessum sérstöku aðstæðum á fjármálamarkaði."
( Frétt af vef Félagsmálaráðneytis
www.www.felagsmalaraduneyti.is )
Fréttir: 31.07.2008 Félags- og skólaþjónusta A-Hún. Í kjölfar breytinga á skipulagi sameiginlegra verkefna sveitarfélaganna í Austur Húnavatnssýslu eftir að Héraðsnefnd A-Hún var lögð af, hefur verið stofnað byggðasamlag um félags- og skólaþjónustu Austur – Húnvetninga. Byggðasamlagið yfirtekur rekstur félagsþjónustu, skólaþjónustu og öldrunarþjónustu. Byggðasamlagið heitir Félags- og skólaþjónusta Austur – Húnvetninga og verður rekið undir sömu kennitölu og Félagsþjónusta A - Hún bar áður. Undir málefni aldraðra fellur rekstur dvalarheimilisins Sæborgar á Skagaströnd sem og rekstur og umsjón með íbúðum fyrir aldraða í Hnitbjörgum á Blönduósi og Ægisgrund á Skagaströnd. Forstöðumaður Sæborgar er áfram Jökulrós Grímsdóttir. Umsóknir og úthlutanir íbúða fyrir aldraða munu vera í höndum Félagsmálastjóra í stað Héraðsnefndar áður. Félagsmálastjóri, Auður Herdís Sigurðardóttir fer eftir sem áður með framkvæmd Félagsþjónustunnar og Guðjón E. Ólafsson, sérkennslufræðingur er Fræðslustjóri áfram og annast skólaþjónustu. Stjórn hinnar nýju stofnunar er fjögurra manna, í henni sitja: Björn Magnússon, formaður, Héðinn Sigurðsson, Magnús B. Jónsson og Rafn Sigurbjörnsson Sveitarfélagið Skagaströnd annast bókhald og rekstur byggðasamlagsins. Póstáritun vegna reikninga er Félags- og skólaþjónusta A-Hún, Túnbraut 1-3, 545 Skagaströnd. Til Félagsmálastjóra: Auður H. Sigurðardóttir, Félagsmálastjóri, Flúðabakka 2, 540 Blönduósi. Til fræðslustjóra: Guðjón E. Ólafsson, Fræðslustjóri, Þverbraut 1, 540 Blönduósi. Fréttir: 03.09.2007 Helga Kristín Gestsdóttir hefur látið af störfum sem ráðgjafi í málefnum fatlaðra og hefur Hrafnhildur Marteinsdóttir tekið við því starfi. Fréttir: 20.12.2006 Nýr þjónustusamningur milli félagsmálaráðuneytis og Samtaka sveitarfélaga á Norðurlandi vestra um málefni fatlaðra var undirritaður þann 19.12. 2006. Samningurinn er gerður til 6 ára, til ársins 2012. Félagsmálaráðuneytið skuldbindur sig til að leggja u.þ.b. 1900 milljónir króna til verkefnisins á þeim tíma. Samtök sveitarfélaga taka að sér að veita fötluðum börnum og fullorðnum á starfssvæði sínu þá þjónustu sem er á ábyrgð ríkisins samkvæmt lögum. Umsjón og framkvæmd samningsins verður í höndum SSNV málefna fatlaðra. Verkefnisstjóri er Gréta Sjöfn Guðmundsdóttir. Félagsþjónusta A-Hún sér um framkvæmd málefna fatlaðra á starfssvæði sínu sem nær yfir fjögur sveitarfélög; Blönduósbæ, Húnavatnshrepp, Skagabyggð og Höfðahrepp.
Félags- og skólaþjónusta A-Hún Lögheimili: Túnbraut
1-3, 545 Skagaströnd S:455-2700
|
vefumsjón